Resultadonan preliminar enseñansa di Kòrsou.

Enseñansa tin un ròl importante den formashon di e siguiente generashon i desaroyo di komunidat den su totalidat. P’esei ta importante pa e kalidat básiko di enseñansa, e fluho entre e diferente sistemanan den enseñansa i e konekshon entre enseñansa i merkado laboral ta bon reglá. E sistema di enseñansa, inkluso tur su partinan (organisashon, areglo i instrumentonan) ta karga enseñansa di Kòrsou. Den e último lunanan un grupo di trabou, ku ta konsistí di representante di Inspekshon di enseñansa di Kòrsou i Hulanda, a hasi e promé fase di revishon di e sistema di enseñansa na Kòrsou den forma di un ‘nulmeting’. E kalidat aktual di skol individual, estudio òf otro organisashon no tabata tópiko di e revishon. Un revishon di e sistema di enseñansa mester duna bista den  opstákulo, oportunidat i direkshon di solushon pa yega na un plan di mehorashon pa enseñansa.

Image: ©Shutterstock / Wavebreakmedia

Resultado preliminar i rekomendashon

E resultado di e promé fase di e revishon a keda presentá den un rapòrt preliminar. E rapòrt preliminar ta duna un bista global di e situashon aktual pa loke ta trata e sistema di enseñansa. Den e rapòrt tin diestres rekomendashon.

E rekomendashonnan ta pone atenshon na dunamentu di informashon pa por manehá, pone prioridat i evaluashon, e sistema di enseñansa (servisio básiko, personal, kalidat di kuido i konekshon riba estudio avansá i e merkado di labor) i tambe na e lei, repartishon i yenamentu di ròl, tarea i responsabilidat).

Kontinuashon i rapòrt final

Minister di Enseñansa, Siensia, Kultura i Deporte, Señor Sithree van Heydoorn, a duna un reakshon ekstenso por eskrito riba e rapòrt preliminar. Saliendo for di e punta di bista di transparensia i kolaborashon el a kompartí esaki ku Staten di Kòrsou. E gruponan di interes relevante i públiko en general. Na gruponan di interes, ku ta konsistí tambe di direktivanan di skol, a pidi eksplisitamente pa nan reakshon i eventual kontribushon. Esaki lo ta input pa siguiente fase di e revishon.

Minister van Heydoorn ta asumí ku lo solushoná eventual defisiensia den e rapòrt final komo resultado di aporte balioso di gruponan di interes. Den e rapòrt final lo hasi análisis mas detayá pa a base di dato i informashon (eventual adishonal) duna un bista mas transparente den e sistema di enseñansa. Lo duna proposishon di mehorashon pa e sistema di enseñansa por funshoná mihó pa alumno, studiante, dosente i direktiva di skol.

E Inspekshonnan di enseñansa ta sigui ku siguiente fase den e revishon. E plan ta pa terminá esaki den desèmber 2022 ku un reportahe final.

Tep pa lesa