Tokante TWO

E Organisashon di trabou temporario (Tijdelijke Werkorganisatie, TWO) ta un organisashon, ku bou di òrdu di ministerio di Asuntunan Interior i Relashon den Reino ta sostené i supervisá e reformanan palabrá na Kòrsou, Aruba i Sint Maarten. TWO ta e antesesor di eÓrgano Karibense di Reforma i Desaroyo (COHO).  Ta lanta COHO ku un lei i e ta un órgano di gobièrnu ku tarea independiente.

Organisashon di trabou temporario (TWO)

Aktualmente ta traha na lantamentu di COHO. Na mes momentu mester ehekutá e reformanan i medidanan den e Paketenan Nashonal i plania i manehá e Agènda di Ehekushon. P’esei e ministerio di Asuntunan Interior i Relashon den Reino a lanta TWO pa ehekutá e trabounan aki huntu ku e ministerionan hulandes, ku ta suministrá ekspertisio di kontenido i e paisnan.

TWO ta formulá konhuntamente ku kada pais un agènda di ehekushon pa duna kontenido na e paketenan di pais. Ta aktualisá e Agèndanan di Ehekushon aki peródikamente. TWO ta e promé instansia di kontakto pa e paisnan si ta trata di e medidanan, proyektonan i programanan di e Agèndanan di Ehekushon. Tambe TWO ta supervisá e ehekushon di e medidanan, proyektonan i programanan i periódikamente presentá un raportahe di ehekushon. 
 

Organisashon

Den TWO tin un sekshon Paisnan ku tres tim di programa: Aruba, Kòrsou, Sint Maarten. E timnan di programa tin komo tarea pa sostené i monitòr e desaroyo i ehekushon di proyekto, programa i medida di órgano di gobièrnu i kompania di gobièrnu di e paisnan den relashon ku e tópikonan deskribí den un Pakete Nashonal. E timnan aki ta traha parsialmente na Hulanda (por ehèmpel pa deliberashon ku ministerio hulandes) i na e paisnan. Banda di e sekshon Paisnan ta bin un departamentu di Supervishon, Finansa i Maneho operashonal.
 

Tarea

  • duna sosten na paisnan den desaroyo i ehekushon di proyektonan, programa- i medidanan relashoná ku temanan deskribí den un pakete di pais, manera deskribí den un Agènda di Ehekushon i te kaminda esaki ta relevante tambe den un plan di ehekushon. Den e kuadro aki TWO por
    • duna sosten finansiero direkto òf indirekto na órganonan di gobièrnu;
    • pone ekspertisio i kapasidat di ehekushon na disposishon; 
    • investigashon ekstenso den aparatonan gubernamental i kompanianan di gobièrnu;
    • duna supsidio na siudadanonan i personanan hurídiko di derecho privá, kompanianan di gobièrnu inkluí. 
  • Supervisá kontinuashon di proyektonan, programa- i medidanan di órganonan- i kompanianan di gobièrnu di e paisnan den kuadro di temanan deskribí den un pakete di pais, manera deskribí den un Agènda di Ehekushon i te kaminda esaki ta relevante den un plan di ehekushon.

Lantamentu COHO

Dependé di e tratamentu den Parlamentonan den e paisnan lo instituí COHO ofisialmente den 2022. E fecha eksakto di lantamentu ta dependé di e durashon di e trayekto di legislashon di Reino. 


Aktualmente ta traha duru na e ekipamentu di e struktura di organisashon den kua por akomodá e tareanan legal. Banda di esaki ta prepará asuntunan práktiko, manera establesimentu den tur pais, atkisishon di personal, previshon di ICT, e atministrashon finansiero i komunikashon. Despues di lantamentu COHO ta konsistí di un direktiva di tres miembro i un organisashon atministrativo ku ta hasi e ehekushon en efekto na nòmber di e direktiva.

Ubikashon

Lo tin kuater kantor pa COHO. Un na Den Haag i e otronan den e sentronan di siudat di e paisnan. Na Den Haag lo tin prinsipalmente palabrashonnan ku ministerionan hulandes. Nan ta trese ekspertisio relashoná ku kontenido pa e trayektonan di reforma. Den e paisnan lo tin sosten di e proyektonan ku ta kanando.